Kwento Si Yuji Sakai, isang highschool student, ay inaasahan na ang kanyang napakanormal na buhay ay magtatagal habambuhay. Ngunit, nagbago ito isang araw habang nasa daan na siya pauwi sa kanyang bahay.
Ang isang hindi maintindihang pangyayari ang naganap. Ang paligid at ang langit ay nagmistulang kulay pula, at napansin niyang lahat ng tao sa paligid niya'y hindi gumagalaw. May isang malaking halimaw na dumating at kumakain ito ng tao, o mas kilala bilang "Power of Existence" o "Kapangyarihan ng Buhay". Ang tawag sa halimaw na iyon ay Rinne, o ang alagad ng Guze ng Tomogara. Bagama't kasali si Yuji sa loob, kakainin din ng halimaw ito. Ngunit dumating ang isang babaeng may lumiliyab na buhok at naglalagablab na mata, at iniligtas si Yuji. Tinalo niya ang halimaw at nadiskubreng may kumokontrol sa Rinne, na isang manika.
Ipinakilala ng babae ang sarili niya kay Yuji, na isa siyang Flame Haze o ang tumatalo sa mga Guze ng Tomogara at nagbabalanse ng mundo. Wala itong pangalan kaya binigyan nito ni Yuji. Tinawag niya itong Shana, na hango sa pangalan ng espada niyang Nietono no Shana. Kinwento ni Shana lahat ng pangyayari na naganap.
Ang kulay pulang paligid na nabanggit ay tinatawag na fuzetsu, o isang spell na ginagamit ng mga Flame Haze at Tomogara upang makipaglaban sila ng maayos at walang nakakakitang tao. Ang mga nakikita din ni Yuji na asul na apoy sa dibdib ng mga tao ay tinatawag namang Torch, o mga taong patay na nagsilbing kapalit lamang upang mabalanse ang mundo. Ang mga Torch ay maglalaho din sa takdang panahon kapag ito'y naubos. Nadiskubre din ni Yuji na patay na siya at isa lamang siyang Torch na maglalaho na din. Ngunit si Yuji ay isang espesyal na Torch. Ang espesyal na Torch ay tinatawag namang Mystes, isang Torch na may kapangyarihang tinataglay na tinatawag na Hougu. Ito rin ay nakakagalaw sa loob ng fuzetsu. Nalaman din nito na ang mga Guze ng Tomogara ay siyang pumapatay at kumakain ng "Power of Existence" ng mga tao upang sila'y mabuhay.
Bagama't isang sorpresa at gulat ito para kay Yuji, sumanib siya kay Shana upang makipaglaban kasama niya, at makatulong upang magligtas ng tao.
http://tl.wikipedia.org/wiki/Shakugan_no_Shana
